CARITAS KIGALI

Habonetse imbwa zipima Malariya

Arikidiyosezi Gatolika ya Kigali
Imbwa zimenyerewe guhunahuna zikamenya umuntu urwaye Marariya

Abashakashatsi bo mu Bwongereza bagaragaje ko imbwa zatojwe neza, zishobora kwifashishwa mu kumenya umuntu urwaye malariya, zihunahunnye amasogisi yambawe n’uyirwaye.

Ni umushinga ugitangira ariko abawukoraho, bizera ko ushobora kuzagira akamaro mu gupima iyo ndwara mu buryo bwihuse, cyane ko ikomeje guhitana ubuzima bw’abantu hafi 500,000 buri mwaka hirya no hino ku isi.

Profeseri Steve Lindsay , umuyobozi w’ishami ry’ubumenyi bw’ibinyabuzima muri Kaminuza ya Durham yo mu Bwongereza yagize ati “Nubwo ubushakashatsi bwacu bukiri mu ntangiriro, twerekanye ko imbwa zatojwe, zishobora kumenya umuntu ufite malariya mu mubiri we, zihunahunnye umwaka we kandi bikaba byizewe".

Ubwo bushakashatsi bwakozwe na Kaminuza ya Durham, bwatewe inkunga na Fondation ya Bill na Melinda Gates, hatozwa imbwa zakoreshejwe mu igerageza muri Gambia nk’ahantu hakunda kuba malariya. Hakusanyijwe amasogisi y’abana 175 bafite hagati y’imyaka 5 na 14, 30 muri bo, byagaragaye ko bari bafite malariya, mu gihe 145 nta malariya bari bafite.

ibiro ntaramakuru by’abashinwa xinhuanet bivuga ko ubu bushakashatsi bugaragaza ko kwifashisha imbwa zihunahuna malariya, ari bumwe mu buryo bwihuse bwakwifashishwa mu kurwanya iyo ndwara, cyane cyane mu gihe hari abayifite ariko batagaragaza ibimenyetso.

Imbwa zifite ubushobozi buhambaye bwo guhunahuna, zikamenya umuntu ufite malariya ariko ntizamenya neza aho yaturutse cyangwa icyayiteye. Ikindi abashakashatsi bagaragaza, ni uko imbwa zishobora kumenya urwaye kanseri zihunahunnye inkari ze cyangwa umwuka we.

Ibyo ntibikorwa n’imbwa izo ari zo zose, kuko ngo bikorwa n’imbwa zabitojwe gusa. Isuzuma ryakozwe ryagaragaje ko ibisubizo byatanzwe n’imbwa byizewe ku kigero cya 70% ku bipimo by’abantu bafite malariya, mu gihe byizewe kugeza ku kigero cya 90% ku bipimo by’abatayifite.

 

Umwanditsi Mukuru


Byanditswe : tariki ya 30 Ugushyingo 2018 saa 12:09:03, ubu
Uwabitangaje : Umwanditsi Mukuru

֩ Ibitekerezo kuri iyi nkuru (0)

Nta gitekerezo kiratangwa kuri iyi nkuru, tanga agatego ube uwa mbere kugira icyo ubivugaho

Umugenzuzi

Funga Amazina:

Ijambo ry'ibanga:

Ohereza igitekerezo

Funga       
     

-
-


B I U URL    :) :( :P :D :S :O :=) :|H :X :-*

Ohereza ifoto (itarengeje 200 kb), ariko si ngombwa

Andika iri jambo ry'igenzura:   38b7a