CARITAS KIGALI

Utwobo umuntu avukana ku matwi, utugaragara ku matama umuntu asetse ndetse nutuba hejuru y’ikibuno waruziko ari inenge?

Arikidiyosezi Gatolika ya Kigali
Nubwo bamwe bafata utu twobo nk'ubwiza ubundi n'inenge

Hirya no hino ku isi hagaragara abantu bafite akobo gatoya hejuru ku gutwi ku ruhande rw’aho gutereye ku mutwe, bamwe bagakeka ko ugafite aba yaratoboye ugutwi. Gusa ngo siko bimeze kuko kavukanwa, kakaba kirema igihe hari zimwe mu ngingo z’umubiri ziba zitiremye neza mbere y’uko umuntu avuka.

Ako kobo kitwa preauricular sinus kaba ari akobo kadasanzwe, abantu bamwe bavukana ku gice cyo hejuru y’ugutwi, n’ubwo abakavukana usanga atari benshi.

Mu Bwongereza na Leta zunze ubumwe za Amerika usanga gafitwe n’abantu bari mu nsi ya 1%, muri Asia n’ibice bimwe na bimwe bya Africa ukagasangana abantu bagera kuri 4%.

Aka kobo ubusanzwe usanga ari ibyo bita malformation, ugenekereje mu kinyarwanda kakaba kakwitwa inenge umuntu avukana, bitewe n’uko zimwe mu ngingo z’umubiri zitabashije kwirema uko bikwiye igihe umwana aba akiri munda ya nyina.

Gusa ariko ngo birashoboka ko umuntu yakavukana agakomoye kuri umwe mu babyeyi be. Mu mwaka wa 1864 nibwo katangiye kuvugwa cyane, nyuma y’uko umuhanga mu bya siyansi witwa Van Heusinger yari amaze kugaragazaga ubushakashatsi yagakozeho.

Ubusanzwe kagaragara ku gutwi kumwe, ariko abasaga 50% mu bakavukana ngo hari igihe usanga bagafite ku matwi yombi.

Abakoze ubushakashatsi kuri ako kobo bavuga ko uwakavukanye adakwiye kugira ubwoba, kuko n’ubwo kaba gaterwa n’ibindi bintu bitandukanye kadashobora guteza ibibazo. Ikintu gikunze kubaho ngo ni uko kafatwa n’indwara ya infection, ariko ngo iravurwa ikanakira mu buryo bwihuse hifashishijwe n’ubwo hari igihe byaba ngombwa ko kabagwa.

Uretse utwo twobo abantu bamwe bavukana hejuru y’ugutwi, hari utundi tugaragara ku matama y’abantu bamwe iyo basetse, hakaba n’utugaragara hejuru ku matako y’abantu bamwe na bamwe.

N’ubwo utwo tundi bamwe badufata nk’uturango tw’ubwiza, abahanga mu by’ubumenyi bw’umubiri wa muntu bavuga ko natwo ari inenge umuntu avukana bitewe n’uko hari ingingo z’umubiri we zitiremye neza akiri mu nda ya nyina.

Umwanditsi Mukuru


Byanditswe : tariki ya 17 Nzeli 2018 saa 16:43:39, ubu
Uwabitangaje : Umwanditsi Mukuru

֩ Ibitekerezo kuri iyi nkuru (0)

Nta gitekerezo kiratangwa kuri iyi nkuru, tanga agatego ube uwa mbere kugira icyo ubivugaho

Umugenzuzi

Funga Amazina:

Ijambo ry'ibanga:

Ohereza igitekerezo

Funga       
     

-
-


B I U URL    :) :( :P :D :S :O :=) :|H :X :-*

Ohereza ifoto (itarengeje 200 kb), ariko si ngombwa

Andika iri jambo ry'igenzura:   0a3a1