CARITAS KIGALI

Kwita ku burere bw’umwana ukiri muto bimurinda ubuzererezi

Arikidiyosezi Gatolika ya Kigali
Umuyobozi wa NRS yifatanyije n'ikigo cy'Abadacogoa n'Intwari mu rugendo

Mu bukangurambaga bw’iminsi 8 kuva tariki ya 11 kugeza 19 Ukuboza 2018 ikigo cy’Abadacogora n’Intwari cya Caritas Kigali cyateguye urugendo hirya no hino mu mujyi wa Kigali rwo gushishikariza abantu bose kwita ku burere bw’abana kuko umwana warezwe neza bimurinda kuba inzererezi.

Mushashi Josiane umuhuzabikorwa w’ikigo cy’Abadacogora n’Intwari, cya Caritas Kigali, cyita ku kibazo cy’abana bo mu muhanda avuga ko impamvu y’uru rugendo ari ukugaragaza uko ikibazo cy’abana bo mu muhanda gikomeje gufata indi ntera kuko abana bajya kuba inzererezi mu muhanda .

Urugendo rwabo rugamije gukumira no kurwanya ikibazo cy’abana bo mu muhanda no gukangurira abanyarwanda kwita ku burere bw’abana ndetse no kurengera uburenganzira bwabo aho bari hose.

 Ati “uyu munsi twakoze urugendo ruva mu mujyi wa Kigali, dusoreza Nyabugogo ahakunze kuba abana bakuriye mu buzima bwo mu muhanda biyise Abamarine”.

Iki gikorwa bagishyizeho kubera ko hari ibibazo by’abana benshi bari mu muhanda kubera guhunga imiryango yabo. Mushashi avuga ko bafite inshingano zo kwita kuri abo bana ariko cyane cyane iya mbere ikaba kubirwanya no gukemyura bimwe mu bibazo bitera abo bana kuba inzererezi.

Izi ngendo zigamije guhindura imyumvire y’abaturage n’imyitwarire y’abana bamwe baba bashaka kuguma mu muhanda, abashaka guta amashuri n’abandi bose bahura n’ibibazo ntibabishakire ibisubizo ahubwo bakayoboka inzira y’umuhanda”.

Asaba kandi imiryango ikorera mu Rwanda, ari iyegamiye kuri Leta n’iyigenga, yaba mu Rwanda ndetse na mpuzamahanga kuba aba mbere kwita kuri iki kibazo, kuko bimaze kugaragara ko kidafatiwe ingamba bya ikibazo gikomeye ku gihugu cyacu.

Umwe mu bana bakuwe mu muhanda n’ikigo cy’Abadacogora n’Intwari wiga mu mwaka wa kabiri w’amashuri abanza, afite imyaka icumi, avuga ko yari amaze umwaka ari inzererezi yo mu muhanda aho yari yarawujemo ahunga ababyeyi be bamukubitaga ngo kuko bamukoreshaga imirimo imivunanye akabona atakwihanganira kuguma mu rugo.

Nyuma yo kuva mu muhanda yumva ko amakosa yari aye, ko ababyeyi be batamwanga akagira inama abandi bana ko batagomba kuwusubiramo.

Bosenibamwe Aimé, Umuyobozi mukuru w’ikigo cy’igihugu cy’Igororamuco(NRS) avuga ko icyo bashaka ari uko umwana wese yarererwa mu muryango.

 Ati “ ikigamijwe ni uko umwana wese arererwa mu muryango akareka kuba mu muhanda, tukagira urubyiruko rutarangwa n’imigenzereze mibi nko kunywa za Kore, n’ubundi bugizi bwa nabi ubwo aribwo bwose”.

Bosenibamwe nawe ashimangira ko intego ari ugutanga ubutumwa busaba abaturage, kugira ngo buri wese atange umusanzu we abana bave mu muhanda. Nyuma y’iki gikorwa n’ukuzafatanya n’inzego zose bireba kugira ngo ahantu hose habarirwa abana, abatazashaka kuwuvamo mu burIyo bwiza bazabashaka babashyikirize ibigo ngororamuco. Ari nako bashakisha imiryango yabo cyangwa indi yabakira kugira ngo umwana wese arererwe mu muryango.

Bosenibamwe yakomeje avuga ko ubutumwa bw’izi ngendo ari ugukangurira buri wese kwita ku burere bw’umwana kugirango atishora mu buzererezi. Ikindi ni ugukangurira imbaga nyarwanda kugirango babone ko  iki kibazo kitazihanganirwa, ko uwabona umwana mu muhanda atategereza ubuyobozi ahubwo nawe yumve ko ari icye kandi kibangamiye ubuyobozi bw’u Rwanda.

“Turabwira abana b’abanyarwanda n’imiryango yabo ko dushaka guha agaciro umunyarwanda. nta shema na rimwe twagira nk’igihugu tugifite abana mu muhanda”Bosenibamwe.

Izi ngendo zakozwe ku bufatanye n’Ikigo cy’Igihugu gishinzwe Igororamuco hamwe n’umugi wa Kigali na Caritas Kigali, ndetse bafatanyije n’abana bavuye mu muhanda bakaba barahindutse bari mu mashuri, ndetse n’ababyeyi babo.

Umwanditsi Mukuru

 


Byanditswe : tariki ya 20 Ukuboza 2018 saa 20:30:07, ubu
Uwabitangaje : Umwanditsi Mukuru

֩ Ibitekerezo kuri iyi nkuru (0)

Nta gitekerezo kiratangwa kuri iyi nkuru, tanga agatego ube uwa mbere kugira icyo ubivugaho

Umugenzuzi

Funga Amazina:

Ijambo ry'ibanga:

Ohereza igitekerezo

Funga       
     

-
-


B I U URL    :) :( :P :D :S :O :=) :|H :X :-*

Ohereza ifoto (itarengeje 200 kb), ariko si ngombwa

Andika iri jambo ry'igenzura:   626bb